棺材盒

明知不可為而為之的事，就叫自掘墳墓。

因此我發現自己買錯的時候，這包裝盒的造型便跟棺材無限地接近。

還好有善終服務。但殮葬費仍要700大元。

給電影人的命案

今日午夜場時間電影界發生一宗命案。
一名電影人被發現倒臥於戲院對開馬路，經檢證，初步確認死因為票房仆直。
警方表示，時發時有途人目擊，有人意圖「度縮數」，自行棄置劇本及使用票房毒藥的情況下斃命。
觀眾協會表示，雙料自殺的做法死不足惜。

漏水車站和有柄美女

鬧人。



張相向西鐵線某車站影，但鬧既就唔只佢，任何標榜自己有幾先進設計，但一落大雨就漏水既建築(尤其係機場)，通通照鬧。

大佬，你以為自己幢野係30年前既半山木屋，而且好多幾年前一直漏到依家，咁基本既野都做唔到，有無搞錯呀！等於你話俾我知，選美比賽個冠軍，有美貌有智慧有文采有廚藝有前有後兼有錢，不過望落啲，原來……佢有柄(帶把的)。你仲當唔當佢係女人先？

如果你話無問題，Fine!我錯，的確又無野既，又唔係叫你同佢拍拖上床結婚生仔做人世，有無柄都一樣(一樣得個睇字)。漏水啫，又唔係油站漏油，一滴半滴無乜大不了。

到有日唔係漏水而係漏電你就知。

+1
之所以開腔鬧人，係因為花咗一百蚊買把遮，竟然落大雨個陣會滲漏，唔kur。

100.2kmの奇蹟

想不到用里程計記錄才知道，原來那「豆大的壯舉」，竟有100km之遙！！

同日有渣打馬拉松，全程也不過是42.195km。(雖說人家用腳跑在封了的高速公路，我是踏單車穿越超多車的普通道路，無得比)
那天能封一封路，搞個單車馬拉松，踏單車過海底隧道也不錯。
雖然我不會去擠。

四仔主義

八九十年代，香港人的人生目標，就是買間屋仔，買架車仔，娶老婆仔同生番個仔。加起來就叫四仔主義。

現今樓價太高，石油太貴，港女太惡，細路太囂的情況，乜都可以慳番。

正如同事M所言“四仔(鹹碟)就大把！”

虎虎生風！催吉避兇！

就是玩野，將把USB風扇油成黃色，貼老虎紋，裝老虎頭。不也實用嗎？

不夠的話，再來一個虎虎生金(錢箱)，虎虎生水(魚缸)，還有虎虎生土(盤栽)。

在攤檔掛一張巨大的趨喜避兇地圖，應該掂。

唯一唔掂的，就是我太遲諗到，年宵早就完了！明年請早！